Waa markii sedaxaad oo ay fulisey falalkan fooshaxun dowladda isku sheega gobolka woqooyi bari ee Somalia. Ijaraonline May /14 /2008
5 nin oo kasoo jeeda gobalka OGADEN oo lagala dagay diyaarad laguna hayo xabsi kuyaala magaalada Boosaaso Waxaa maalintii labaad xabsi kuyaala magaalada Boosaaso ku xidhan 5 nin oo u dhalatey Gobalka OGADEN kuwaasoo lagala dagay diyaarad ay kasoo raaceen dalka Jabuuti.
Wararku waxa ay intaas raacinayaan in nimankan ay diyaarada kala dageen kooxda jawaasiista Puntland ee loo yaqaan Puntland inteligence service(PIS) islamarkaana ay damceen in ay geeyaan magaalada garowe si ay ugu gacan geliyaan ciidamada Ethiopia.
Culumo Awdiinka iyo waxgaradka Puntland ayaa dadaal dheer ugalay in nimankan aanan loo gudbinin magaalada Garowe lana sii daayo hadii aysan jirin wax dambi ah oo cad oo ay ka galeen Puntland.
Wararka qaar ayaa sheegaya in ninka lagu magacaabo Afqurac uu si cad u sheegay inuu jiro heshiis ay wada galeen Ethiopia oo qoraya dadka u dhashay gobalka Ogaden ee ku sugan Puntland in loo soo gacan geliyo Ethiopia sidaa darteedna ay 5ta nin u gudbinayaan Ethiopia.
Si kastaba ha ahaatee xaalada muwaadaniintan ayaa aad uqalafsan iyadoo ilaa iyo xalay kolba dhinac loo sii waday inkastoo wararkii u danbeeyay ay sheegayaan inay kujiraan xabsi kuyaala magaalada Boosaaso.
Ma aha markii ugu horeysay ee dad kasoo jeeda gobalka Ogaden lagu waxyeelayo gobalada Puntland iyadoo hada kahor ay jiiraan dad u dhashay gobalka OGADEN oo laga qabtay Puntland loona gacan geliyay ciidamada Ethiopia.
